Тоглоомын талбайн орчинд утаат болон электрон тамхи татахыг хориглох тэмдэглэгээ байршуулах зэрэг шаардлага хүргүүллээ

Нийслэлийн Засаг даргын Тамгын газраас хүүхдийн тоглоомын талбайн эрүүл ахуй, аюулгүй байдлыг хангуулах, осол гэмтлээс урьдчилан сэргийлэх чиглэлээр холбогдох байгууллагуудад албан бичиг хүргүүлжээ. Үүнд: - Нийслэлд 1,553 хүүхдийн тоглоомын талбай байдаг ба 54%-ийг СӨХ, 18%-ийг дүүрэг, хот тохижилтын газар, 28%-ийг барилгын компаниуд эзэмшдэг - Эдгээрийн 29.9% нь стандартад нийцээгүй, засах шаардлагатай байна Холбогдох байгууллагуудад дараах үүргийг өгчээ: 1. Хүүхдийн тоглоомын талбайн стандартыг мөрдөх 2. Стандартад нийцсэн, аюулгүй тоглоомын талбай бий болгох 3. Тоглоомын талбайн ашиглалт, арчилгааг хариуцах, хяналт тавих 4. Тоглоомын талбайн хариуцагч, эзэмшигчийг тодорхой болгох, мэдээллийн сан үүсгэх 5. Тоглоомын талбайд тамхи татах, архи согтууруулах ундаа хэрэглэхийг хориглох, тэмдэг тэмдэглэгээ байршуулах 6. Стандарт хангаагүй тохиолдолд хариуцлага тооцох талаар хуульд өөрчлөлт оруулах санал боловсруулах 7. Барилгыг ашиглалтад оруулах комиссын бүрэлдэхүүнд хүүхдийн эрхийг хамгаалах байгууллагын төлөөлөл оруулах санал боловсруулах