Энэ онд нийслэлд 27 сургууль, 48 цэцэрлэг ашиглалтад оруулна

Нийслэлийн удирдах ажилтнуудын шуурхай зөвлөгөөн боллоо. Үүнд: - Өмнөх шуурхай зөвлөгөөнөөр өгсөн 22 үүрэг даалгаврын 5 нь бүрэн биелж, 11 нь 50-89 хувийн гүйцэтгэлтэй байна. - 2024 онд боловсролын салбарт 807.1 тэрбум төгрөгийн 165 төсөл, арга хэмжээ хэрэгжиж байна. 4-р сард 3 сургууль, 3 цэцэрлэгийг ашиглалтад оруулсан бөгөөд нийт 27 сургууль, 48 цэцэрлэг, 7 цогцолборыг ашиглалтад оруулахаар төлөвлөжээ. - 2018 оноос хойш хэрэгжиж буй 30 сургууль, цэцэрлэгийн барилгын ажил удаашралтай байгааг анхаарч ажиллахыг онцоллоо. - Энэ онд 66 төслийн хүрээнд 2,521 нэгж талбарыг чөлөөлөхөөс 1,084 талбарыг чөлөөлсөн байна. 7 байршилд 5,660 хүүхдийн суудалтай сургууль, 900 хүүхдийн ортой цэцэрлэгийн барилгын ажлыг эхлүүлэхээр 210 нэгж талбарын 128-ыг чөлөөлжээ. Нийслэлийн удирдлагууд боловсрол, хөрөнгө оруулалт, барилгын ажлын явц, газар чөлөөлөлтийн асуудлаар хэлэлцэж, цаашид анхаарах асуудлуудыг тодорхойлов.