Туркт өртэй учир Сьерра-Леон хэдэн 7 хоног тоггүй байжээ

Сьерра-Леон улс Туркийн "Karpowership" компанид төлөх ёстой 48 сая ам.долларын өрнөөс 18 сая ам.долларыг барагдуулсан ч хэдэн долоо хоног тоггүй байжээ. Үүний улмаас Эрчим хүчний сайд Канжа Сесай огцорч, хариуцлагыг хүлээсэн байна. "Karpowership" компани Сьерра-Леоны эргээс холгүй хөвж буй усан онгоцноос нийслэл Фритаунд цахилгаан эрчим хүч нийлүүлдэг ч төлбөрийг барагдуулаагүй учир эрчим хүчний хангамжийг 60 мегаваттаас 6 мегаватт хүртэл бууруулжээ. Үүний улмаас эмнэлэгт нэг нярай хүүхэд нас барж, эмч нар гар утасны гэрэлд эмчилгээгээ үргэлжлүүлж байна. Иргэд цахилгааны төлбөрөө төлсөн ч ийм нөхцөлд амьдарч байгаадаа бухимдаж байгаа бөгөөд эрчим хүчний яам ерөнхийлөгчийн шууд удирдлага дор ажиллахаар болжээ. "Karpowership" бол дэлхийн хамгийн том хөвөгч цахилгаан станцуудын нэг бөгөөд Африкийн хэд хэдэн мужид үйл ажиллагаа явуулдаг. Сахарын цөлөөс өмнөх Африкт цахилгаан эрчим хүчний хүртээмж сүүлийн жилүүдэд нэмэгдсэн ч хүн амын 50 гаруй хувь нь цахилгаан эрчим хүчний сүлжээнд холбогдоогүй хэвээр байна.